Наурыз мейрамы – жаңару мен жасарудың, барша дүниенің жаңа бір күйге енуінің бастамасы, әрі сұлулық пен әдеміліктің символы, адамзат бойына ерекше бір жаңа құлшынысты сезім беретін мереке.
Бұл мереке - еліміздің ынтымағы мен татулығының нышаны, берекелі бірліктің, ортақ мақсатқа ұйыстыратын ынтымақтың бастауы болып есептеледі.
Адамдарға арман мен адалдық, ал жастарға құштарлық пен сұлулық сыйлаған Наурыз мейрамы, міне, әр үйдің төріне бақыт құсы болып қонды.
Сіздерді, ежелден ырыс пен берекенің арқауы болған көктем мезгілінің ұлы мерекесі – Наурыз мейрамымен шын жүректен құттықтаймыз!
Наурыз нұры әрбір шаңыраққа, бақ-береке, өзара түсіністік пен болашаққа деген сенімділік әкелсін! Баршаңыздың дендеріңізге саулық, шаңырақтарыңызға шаттық, отбасыларыңызға амандық, ырыс пен ынтымақ тілеймін!
Наурыз Мейрамы Сіздерге тек жақсылық пен қуаныш әкелсін!
Ақ тілекпен, Қазіргі Заманғы Көпсалалы колледжі !